|
| |
|
| |
| Text Name | daśakumāracaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| dkc 7.17 | ādikṣaṃ ca taṃ sakhe saiṣā sajjanācaritā saraṇirydaṇīyasi kāraṇenaṇīyānādaraḥ saṃdṛśyate na cedidaṃ necchasi seya saṃnatāṅgayaṣṭirakleśārhā satyanenākṛtyakāriṇātyarthaṃ kleśitā nayaināṃ nijanilayaṃ nānyaditaḥ kiṃcidasti cittārādhanaṃ na iti / | | dkc 7.18 | atha tadākarṇya karṇaśekharanīlanīrajāyitāṃ dhīretaratārakāṃ dṛśaṃ tiryakkiṃcidañcitāṃ saṃcārayantī salilacaraketanaśarāsanānatāṃ cillikālatāṃ lalāṭaraṅgasthalīlāsyanartakīṃ līlālasaṃ lāsayantī kaṇṭakitaraktagaṇḍalekhā rāgalajjāntarālacāriṇī caraṇāgreṇa dharaṇītalaṃ tiraścīnanakhārciścandrikeṇa sācīkṛtānanasarasijaṃ likhantī dantacchadakisalayalaṅghinā harṣāsrasaliladhārāśīkarakaṇajālasaṃkleditasya stanataṭacandanasyārdratāṃ nirasyatāsyāntarālanāsāntaraniḥsṛtena tanīyasānilena hṛdayalakṣyadalanadakṣaratisahacarasāyakasyadāyitena taraṃgatadaśanacandrikāṇi kānicidetānyakṣarāṇi kalakaṇṭhīkalānyasṛjat / | | dkc 7.19 | ārya kena kāraṇenainaṃ dāsajanaṃ kālahastādācchidyānantaraṃ rāgānilacalitaraṇaraṇikātaraṃgiṇyanaṅgasāgare kirasi / |
|
| |
|
| |
