|
|
|
|
Text Name | kādambarī |
Transcribed by | students of the Institute of Indian Studies, Faculty of Arts, Charles University, Prague. |
Proofread by | students of the Institute of Indian Studies, Faculty of Arts, Charles University, Prague. |
Notes | ... |
|
|
kad pb1.102 | sa pratyuvāca â 'deva! kiṃvā nāsvāditam?, āmattakokilalocanacchavirnīlapāṭalaḥ kaṣāyamadhuraḥ prakāmamāpīto jambūphalarasaḥ, harinakharabhinnamattamātaṅgakumbhabhuktaraktārdramuktāphalatvīṃṣi khaṇḍitāni dāḍimabījāni, nalinīdalaharinti drākṣāphalasvādūni ca dalitāni svecchayā prācīnāmalakīphalāni / | kad pb1.103 | kiṃ vā pralapitena bahunā, sarvameva devībhiḥ svayaṃ karatalopanīyamānamamṛtāyate' iti / | kad pb1.104 | evaṃvādino vacanamākṣipya narapatirabravīt â 'āstāṃ tāvat sarvamevedam, apanayatu naḥ kutūhalam, āvedayatu bhavānāditaḥ prabhṛti kārtsnyenātmanaḥ, janma kasmin deśe? bhavān kathaṃ jātaḥ? kena vā nāma kṛtam? kā te mātā? kaste pitā? kathaṃ vedānāmāgamaḥ? kathaṃ śāstrāṇāṃ paricayaḥ? kutaḥ kalāḥ samāsāditāḥ? kiṃ hetukaṃ janmāntarānusmaraṇam? uta varapradānam, athavā vihagaveśadhārī kaścicchanno nivasasi? kva pūrvamuṣitam? kiyadvā vayaḥ? kathaṃ pañjarabandhanam? kathaṃ caṇḍālahastagamanam? iha vā kathamāgamanam?' / |
|
|
|
|