|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 7.31 | aripratāpānalanirmūlanāyeva madoṣmaśīkaraiḥ śiśekire kariṇaḥ kakubhāṃ cakram / | | har 7.32 | cakṣuṣāmunmeṣaṃ mumuṣustaḍiccañcalāni cūḍāmaṇīnāmarcīṃṣi / | | har 7.33 | svayamapi visismiye balānāṃ bhūpālaḥ sarvato vikṣiptacakṣuścādrākṣīdāvāsasthānasakāśātpratiṣṭhamānaṃ skandhāvāram, adhokṣajakukṣeriva yugādau niṣpatantaṃ jīvalokam, ambhonidhimiva kumbhabhuvo vadanātplāvitabhuvanamudbhavantam, arjunabāhudaṇḍasahasrasaṃpiṇḍitonmuktamiva sahasradhā pravartamānaṃ pravāhaṃ narmadāyāḥ / |
|
| |
|
| |
