| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1305 | mahāśvetāpi dṛḍhataradattakaṇṭhagrahā tāmavādīt ?? 'sakhi! kādambari! bhārate varṣe rājā anekavaraturagakhuramukhollekhadattacatuḥsamudramudro rakṣitaprajāpīḍastārāpīḍo nāma, tasyāyaṃ nijabhujaśilāstambhaviśrāntaviśvaviśvambharāpīḍaḥ candrāpīḍo nāma sūnidigvijayaprasaṅgenāgataḥ bhūmimimām / | | kad pb1.1306 | eṣa ca darśanāt prabhṛti prakṛtyā me niṣkāraṇabandhutāṃ gataḥ, parityaktasakalāsaṅganiṣṭhurāmapi me saviśeṣasvabhāvasaralairguṇairākṛṣya cittavṛttiṃ varttate, durllabho hi dākṣiṇyaparavaśo nirnimittamitramakṛtrimahṛdayo vidagdhajanaḥ / | | kad pb1.1307 | yato dṛṣṭavaivemam ahamiva tvamapi nirmāṇakauśalaṃ prajāpateḥ, niḥsapatnatāñca rūpasya, sthānābhiniveśitvañca lakṣmyāḥ, sadbharttṛtāsukhañca pṛthivyāḥ, suralokātiriktatāñca marttyalokasya, saphalatāñca mānuṣīlocanānām, ekasthānasamāgamañca sarvakalānām, aiśvaryyañca saubhāgyasya, agrāmyatāñca manuṣyāṇāṃ jñāsyasīti balādānīto'yam / |
|
