| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1668 | kiṃ vā sandiśāmi / | | kad pb1.1669 | atipriyo'sīti paunaruktyam, tavāhaṃ priyātmeti jaḍapraśnaḥ, tvayi garīyānanurāga iti veśyālāpaḥ, tvayā vinā na jīvāmītyamubhavavirodhaḥ, paribhavati māmanaṅga ityātmadoṣopālambhaḥ, manobhavenāhaṃ bhavate dattetyupasarpaṇopāyaḥ, balāddhṛto'si mayeti bandhakīdhārṣṭyam, avaśyamāgantavyamiti saubhāgyagarvaḥ, svayamāgacchāmīti strīcāpalam, ananyarakto'yaṃ parijana iti svabhaktinivedanalāghavam / | | kad pb1.1670 | pratyākhyānaśaṅkayā na sandiśāmītyaprabuddhabodhanam anapekṣitānujīvitaduḥkhadāruṇā syāmityatipraṇayitā, jñāsyasi maraṇe prītimityasambhāvyameva / |
|
