|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1122 | amba! vasundhare! sakalalokānugrahajanani! kimatha nānukampase! tāta! kailāseśa! śaraṇāgatāsmi te darśaya dayālutām' ityetāni cānyāni ca vyākrośantī kiyadvā smarāmi grahagṛhīteva / | | kad pb1.1123 | āviṣṭeva unmatteva bhūtopahateva vyalapam / | | kad pb1.1124 | uparyyupari patita nayanajaladhārānikaracchalena vilīyamāneva dravatāmiva nīyamānā jalākāreṇātmīkriyamāṇā, pralāpākṣarairapi daśanamayūkhaśikhānugatatayā sāśrudhārairiva niṣpatadbhiḥ śiroruhairapyaviralavigalitakusumatayā muktābāṣpajalabindubhirivābharaṇairapi prasṛtavimalamaṇikiraṇāśrutayā praruditairivopetā, tajjīvitāyevātmamaraṇāya spṛhayantī, mṛtasyāpi sarvātmanā hṛdayaṃ praveṣṭumivecchantī, karatalena kapolayorāśyānacandanaśvetajaṭāmūle ca lalāṭe nihitasarasabisayoścāṃsayormalayajarasalavalulitakamalinīpalāśāvaguṇṭhite ca hṛdaye parāmṛśantī, 'puṇḍarīka! niṣṭhuro'si, evamapyārttāṃ na gaṇayasi mām' ityupālabhamānā muhurmuhurenamanvanayam, muhurmuhuḥ paryacumbaṃ muhurmuhuḥ kaṇṭhe gṛhītvā vyākrośam' / |
|
| |
|
| |
