|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1484 | tadyathāmarakataharinti vyapanītatvañcicārumañjarībhāñji kṣīrīṇi pūgophalāni, śukakāminīkapolapāṇḍūni tāmbūlīdalāni, haracandrakhaṇḍasthūlaśakalañca karpūram, atibahalamṛgamadāmodamanoharañca malayajavilepanam / | | kad pb1.1485 | abravīcca ?? 'cūḍāmaṇicumbinā komalāṅgulivivaravinirgatalohitāṃśujālenāñjalinā devamarcayati devī kādambarī, mahāśvetā ca sakaṇṭhagraheṇa kuśalavacasā, paryastaśikhaṇḍamāṇikyajyotsnāsnapitalalāṭena ca namaskāreṇa madalekhā, kṣititalaghaṭitasīmantamakarikākoṭikoṇena sakalakanyālokaśca, sacaraṇarajaḥsparśena ca pādapraṇāmena tamālikā' / | | kad pb1.1486 | sandiṣṭañca tava mahāśvetayā ?? 'dhanyāḥ khalu te, yeṣāṃ na gato'si cakṣuṣorviṣayaṃ tathā nāma samakṣaṃ bhavataste tuhinaśītalāścandramayā iva guṇā virahe vivasvanmayā iva saṃvṛttāḥ spṛhayanti khalu janāḥ kathamapi daivopapāditāyāmṛtotpattivāsarāyaivātītadivasāya / |
|
| |
|
| |
