|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1456 | abhyarṇavirahavidhurasya ca kāminījanasya niśvasitairiva uṣṇairmlānimanīyata candrikā / | | kad pb1.1457 | candrāpīḍavilokanārūḍhamadaneva kumudadalodaranītaniśā paṅkajeṣu nipapāta lakṣmīḥ / | | kad pb1.1458 | kṣaṇadāpagame ca smṛtvā kāminīkarṇotpalaprahārāṇām utkaṇṭhiteṣviva kṣāmatāṃ vrajatsu pāṇḍutanuṣu vāsagṛhapradīpeṣu, anavarataśarakṣepakhinnānaṅganiśvāsavibhrameṣu vahatsu tarulatākusumaparimaleṣu prabhātamātariśvasu, mandaragirilatāgṛhagamanāni ca bhiyeva bhajantīṣvaruṇodayopaplavinīṣu tārakāsu, krameṇa ca samudgate cakravākahṛdayanivāsalagnānurāgamivālohitaṃ maṇḍalamudvahati savitari, candrāpīḍaḥ śilātalādutthāya prakṣālitamukhakamalaḥ kṛtasandhyānamaskṛtirgṛhītatāmbūlaḥ 'keyūraka! vilokaya devī kādambarī prabuddhā na vā, ka vā tiṣṭhati' ityavocat / |
|
| |
|
| |
