| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.610 | anyāṃśca jīvata eva mahāprāṇatayā sphurato jagrāha / | | kad pb1.611 | samārūḍhe ca madhyamahnaḥ savitari vanāt, snānotthiteneva śramasalilabinduvarṣamanavaratamujjhatā muhurmuhurdaśanavighaṭṭanaiḥ khaṇakhaṇāyitakharakhalīnena śramaśithilamukhavigalitaphenilarudhiralavena paryyāṇapaṭṭakānusaraṇotthitaphenarājinākarṇāvataṃsīkṛtamutphullakusumaśabalamalipaṭalajhaṅkāramukharaṃ vanagamanacihna pallavastabakamudvahatendrāyudhenohyamānaḥ, samudgatasvedatayā'ntarārdrīṃkṛtamaṇḍalena mṛgarudhiralavaśataśabalena vārabāṇena dviguṇataramupajanitakāntiḥ, anekarūpānusaraṇasambhramaparibhraṣṭachatradharatayā chatrīkṛtena navapallavena nivāryyamāṇātapaḥ vividhavanalatākusumareṇudhūsaro vasanta iva viprahavān, aśvakhurarajomalinalalāṭābhivyaktāvadātasvedalekhaḥ, dūravicchinnena padātijanena śūnyīkṛtapuromārgaḥ, prajavituraṅgamādhirūḍhairalpāvaśiṣṭaiḥ saha rājaputraiḥ 'evaṃ mṛgapatiḥ, evaṃ varāhaḥ, evaṃ mahiṣaḥ, evaṃ śarabhaḥ, evaṃ hariṇaḥ' iti tameva mṛgayāvṛttāntamuccārayan svabhavanamājagāma / | | kad pb1.612 | avatīryya ca turaṅgamāt sasambhramapradhāvitaparijanopanīpanīte samupaviśya āsane vārabāṇamavatāryya, apanīya cāśeṣaṃ turaṅgādhirohaṇocitaṃ veśaparigraham, itastataḥ pracalitatālavṛntapavanāpanīyamānaśramo muhūrttaṃ viśaśrāma / |
|
