|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.613 | viśramya ca maṇirajatakanakakalaśaśatasanāthāmantavinyastakāñcanapīṭhāṃ snānabhūmimagāt / | | kad pb1.614 | nirvarttitābhiṣekavyāpārasya ca viviktavasanaparimṛṣṭavapuṣaḥ svacchadukūlapallavākalitamaulergṛhītavāsasaḥ kṛtadevatārccanasya aṅgarāgabhūmau samupaviṣṭasya rājñā visarjitā mahāpratīhārādhiṣṭhitā rājakulaparicārikāḥ, kulavarddhanāsanāthāśca vilāsavatīdāsyaḥ, sarvāntaḥpurapreṣitāścāntaḥpuraparicārikāḥ paṭalavinihitāni vividhānyābharaṇāni mālyānyaṅgarāgān vāsāṃsi cādāya puratastasyopatasthuḥ, upaninyaśca / | | kad pb1.615 | yathākramamādāya ca tābhyaḥ prathamaṃ svayamupalipya vaiśampāyanamupacitāṅgarāgo dattvā ca samīpavarttibhyo yathārhamābharaṇavasanāṅgarāgakusumāni vividhamaṇibhājanasahasraśāraṃ śāradamambaratalamiva sphuritatārāgaṇamāhāramaṇḍapamagacchat / |
|
| |
|
| |
