|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1362 | gate ca tasmin gandharvarājaputrī visarjya sakalaṃ sakhījanaṃ parijanañca parimitaparicārikābhiranugamyamānā prasādamāruroha / | | kad pb1.1363 | tatra ca śayanīye nipatya dūrasthitābhirvinayanibhṛtābhiḥ paricārikābhirvinodyamānaḥ kuto'pi pratyāgatacetanā caikākinī tasmin kāla 'capale! kimidamārabdham' iti nigṛhīteva lajjayā, 'gandharvarājaputri! kathametad yuktam?' ityupālabdheva vinayena, 'ayamasāvavyutpanno bālabhāvaḥ kva gataḥ' ityupahasiteva mugdhatayā, 'svairiṇi! mā kuru yatheṣṭamekākinyavinayam' ityāmantriteva kumārabhāvena, 'bhīru! nāyaṃ kulakanyakānāṃ kramaḥ' iti garhiteva mahattvena, 'durvinīte! rakṣāvinayam' iti tarjitevācāreṇa, 'mūḍhe! madanena laghutāṃ nītāsi' ityanuśāsitevā bhijatyena, 'kutastaveyaṃ taralahṛdayatā' iti dhikakṛteva dhairyyeṇa, 'svacchandacāriṇi! apramāṇīkṛtāhaṃ tvayā' iti ninditeva kulasthityā, atigurvīṃ lajjāmuvāha / | | kad pb1.1364 | samacintayaccaivam ?? 'agaṇitasarvaśaṅkayā taralahṛdayatāṃ darśayantyā adyamayā kiṃ kṛtamidaṃ mohāndhayā tathāhi, adṛṣṭapūrvo'yamiti sāhasikayā mayā na śaṅkitam / |
|
| |
|
| |
