|
| |
|
| |
| Text Name | daśakumāracaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| dkc 7.33 | tataḥ sakhījanenātidakṣiṇena dṛḍhatarīkṛtasnehanigalastayā saṃnatāṅgyā saṃgatyāraṃsi / | | dkc 7.34 | atha kadācidāyāsitajāyārahitacetasi lālasālilaṅghanaglānaghanakesare rājadaraṇyasthalīlalāṭalīlāyitatilake lalitānaṅgarājāṅgīkṛtanirnidrakarṇikārakāñcanacchatre dakṣiṇadahanasārathirayāhatasahakārāṅgalagnacañcalacañcarīkakalike kālāṇḍajakaṇṭharāgaraktaraktādharāratiraṇāgrasaṃnāhaśālini śālīnakanyakāntaḥkaraṇasaṃkrāntakāntarāgalaṅghitalajje darduragiritaṭacandanāśleṣaśītalānilācāryadattanānālatānṛttalīle kāle kaliṅgarājaḥ saha nijāṅganājanena saha ca tanayayā sakalena ca nagarajanena daśa trīṇi ca dināni dinakarakiraṇajālālaṅghanīye raṇadalisaṃghalaṅghitanatalatāgrakisalayālīḍhasaikatataṭe taralataraṃgaśīkarāsārasaṅgaśītale sāgaratīrakānane krīḍārasajātāsaktirāsīt / | | dkc 7.35 | atha saṃtatagītasaṃgītasaṃgatāṅganāsahasraśṛṅgārahelānirargalānaṅgasaṃgharṣaharṣitaśca rāgatṛṣṇaikatantrastatra randhrendhranāthena jayasiṃhena salilataraṇasādhanānītenānīkenānekasaṃkhyena drāgāgatyāgṛhyata sakalatraḥ / |
|
| |
|
| |
