|
| |
|
| |
| Text Name | daśakumāracaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| dkc 7.3 | jagati ca kālarātriśikhaṇḍajālakāndhakāre caritarakṣasi kṣaritanīhāre nijanilayanilīnaniḥśeṣajane nitāntaśīte niśīthe ghanatarasālaśākhāntarālanirhrādi netraniṃsinīṃ nidrāṃ nigṛhṇatkarṇadeśaṃ gataṃ kathaṃ khalenānena dagdhasiddhena riraṃsākāle nideśaṃ ditsatā jana eṣa rāgeṇānargalenārdita itthaṃ khilīkṛtaḥ kriyetāsyāṇakanarendrasya kenacidanantaśaktinā siddhyantarāya iti kiṃkarasya kiṃkaryāścātikātaraṃ raṭitaṃ / | | dkc 7.4 | tadākarṇya ka eṣa siddhaḥ kā ca siddhiḥ kiṃ cānena kiṃkareṇa kariṣyata iti didṛkṣākrāntahṛdayaḥ kiṃkaragatayā diśā kiṃcidantaraṃ gatastaralataranarāsthiśakalaracitālaṃkārakāntakāyaṃ dahanadagdhakāṣṭhaniṣṭhāṅgārarajaḥkṛtāṅgarāgaṃ taralataḍillatākārajaṭādharaṃ hiraṇyaretasyaraṇyacakrāndhakārarākṣase kṣaṇakṣaṇagṛhītanānendhanagrāsacañcadarciṣi dakṣiṇetareṇa kareṇa tilasiddhārthakādīni nirantaracaṭacaṭāyitāni kirantaṃ kaṃcidadrākṣaṃ / | | dkc 7.5 | tasyāgre sa kṛtāñjaliḥ kiṃkaraḥ kiṃ karaṇīyaṃ dīyatāṃ nideśa ityatiṣṭhat / |
|
| |
|
| |
