| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| har 6.91 | darpasphuṭitasarasavraṇocchalitarudhiracchaṭāvasekaiḥ śokaviṣaprasuptaṃ prabodhayanniva parākramamanujamavādīta - "āyuṣman, idaṃ rājakulam, amī bāndhavāḥ, parijano'yam, iyaṃ bhūmiḥ, bhūpatibhujaparighapālitāścaitāḥ prajāḥ, gato'hamadyaiva mālavarājakulapralayāya / | | har 6.92 | idameva tāvadvalkalagrahaṇamidameva tapaḥ śokāpagamopāyaścāyameva yadatyantāvinītārinigrahaḥ / | | har 6.93 | so'yaṃ kuraṅgakaiḥ kacagrahaḥ keśariṇaḥ, mekaiḥ karapātaḥ kālasarpasya, vatsakairbandigraho vyāghrasya, alagardairgalagraho garuḍasya, dārubhirdāhādeśo dahanasya, timiraistiraskāro raveḥ, yo mālavaiḥ paribhavaḥ puṣpabhūtivaṃśasya / |
|
