|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.159 | anayā ca kālakalayā sudūramatikrāntaḥ sa pāpakṛditi parikalayya kiñcidunnamitakandharo bhayacakitayā dṛśā diśo'valokya tṛṇe'pi calati punaḥ pratinivṛtta iti tameva pade pade pāpakāriṇamutprekṣamāṇo niṣkramya tasmāttamālatarumūlāt salilasamīpamupasattu prayatnamakaravam / | | kad pb1.160 | ajātapakṣatayā ca nātisthirataracaraṇasañcārasya muhurmuhurmukhena patato muhustiryaṅnipatantamātmānamekayā pakṣapālyā sandhārayataḥ kṣititalasaṃsarpaṇaśramāturasya anabhyāsavaśādekamapidattvā padamanavaratamunmukhasya, sthūlasthūlaṃ śvasato dhūlidhūsarasya saṃsarpato mamābhūnmanasi ?? 'atikaṣṭāsu daṃśāsvapi jīvitanirapekṣā na bhavanti khalu jagati prāṇināṃ vṛttayaḥ / | | kad pb1.161 | nāsti jīvitādanyadabhimatataramiha jagati sarvajantūnām / |
|
| |
|
| |
