|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.491 | manye ca bhagavato nārāyaṇasya cakṣurgocaramiyatāpi kālena nāyamupagataḥ, yenādyāpi tāṃ garuḍārohaṇavyasanitāṃ na tyajati / | | kad pb1.492 | aho! khalvatiśayitatridaśarājasamṛddhiriyaṃ tātasya rājalakṣmīḥ, yadevaṃvidhānyapi sakalatribhuvanadurlabhāni ratnānyupakaraṇatāmāgacchanti / | | kad pb1.493 | atitejasvitayā mahāprāṇatayā ca sadaivateveyam asyākṛtiḥ, yatsatyamārohaṇe śaṅkāmiva me janayati / |
|
| |
|
| |
