|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.810 | nūnañcedaṃ na prathamamāsīt saraḥ, yenapralayavarāhaghoṇābhighātabhītābhūtadhātrī kalasayonipānaparikalitasakalasalilaṃ sāgaramavatīrṇā, anyathā yadyatrāgādhapātālagambhīrāmbhasi nimagnā bhavenmahāsarasi, kimekena, mahāvarāhasahasrairapi nāsāditā bhavet / | | kad pb1.811 | nūnañcāsmādeva salilaleśamādāyādāya mahāpralayeṣu ralayapayodāḥ pralayadurddināndhakāritadaśadiśaḥ plāvayanti bhuvanāntarāṇi / | | kad pb1.812 | manye ca yat sṛṣṭerarvāk salilamayaṃ brahmāṇḍarūpamādau bhuvanamabhūt, tadidaṃ piṇḍībhūya sarovyapadeśenāvasthitam / |
|
| |
|
| |
