|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1383 | tatsaṅgamakālātipātāsaheva mano gamāgamāya niyuktavatī, na parijanam / | | kad pb1.1384 | candrāpīḍo'pi praviśya svacchandaṃ kādambarīhṛdayamiva dvitīyaṃ maṇigṛham, śilātalāstīrṇāyāmubhayata uparyyupari niveśitabahūpadhānāyāṃ kuthāyāṃ nipatya keyūrakeṇotsaṅge gṛhītacaraṇayugalastābhiryathādiṣṭeṣu bhūmibhāgeṣūpaviṣṭābhiḥ kanyakābhiḥ parivṛto dolāyamānena cetasā cintāṃ viveśa / | | kad pb1.1385 | kiṃ tāvadasyā gandharvarājaduhituḥ kādambaryyāḥ sahabhuva ete vilāsā evedṛśāḥ sakalalokahṛdayahāriṇaḥ, āhosvidanārādhitaprasannena bhagavatā makaraketunā mayi niyuktāḥ, yena māṃ sāsreṇa sarāgeṇākūṇitatribhāgeṇa hṛdayāntaḥ patatsmaraśarakusumarajorūṣiteneva cakṣuṣā tiryyagvilokayati / |
|
| |
|
| |
