|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1600 | tatra cottāmyatā manasā dhārayitumapārayan kutūhalam, atiprītyā dūramutsāritaparijanaḥ praviśyāgāraprarūḍhāyāḥ sthalakamalinyāḥ pṛthubhirunnālaiḥ ṣalāśairuparacitātapatrakṛtyāyāḥ adhyāsya madhyabhāgamanyatarasya marakatapatākāyamānasya patramaṇḍapasya tale caraṇāravindena samutsārya sukhaprasuptaṃ haṃsamithunamupaviśyāprākṣīt ?? 'patralekhe! kathaya, āgate mayi kathamasi sthitā? kiyanti vā dināni? kīdṛśo vā devīprasādaḥ? kā vā goṣṭyaḥ samabhavan? kīdṛśyo vā kathāḥ samajāyanta? ko vātiśayenāsmān smarati?kasya vā garīyasī prītiḥ' iti / | | kad pb1.1601 | evaṃ pṛṣṭā ca vyajijñapat ?? 'deva! dattāvadhānena śrūyatām, yathā sthitāsmi, yāvanti vā dināni, yādṛśo vā devīprasādaḥ, yathā bā goṣṭhyaḥ samabhavan, yādṛśyaśca kathāḥ samajāyanta, yo vātiśayena tava smarati, yasya vā tvayi garīyasī prītirastī'ti' / | | kad pb1.1602 | tataḥ khalvāgate deve keyūrakeṇa saha pratinivṛtyāhaṃ tathaiva kusumaśayanīyasamīpe samupāviśam, atiṣṭhañca sukhaṃ navanavānanubhavantī devīprasādān / |
|
| |
|
| |
