| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1601 | evaṃ pṛṣṭā ca vyajijñapat ?? 'deva! dattāvadhānena śrūyatām, yathā sthitāsmi, yāvanti vā dināni, yādṛśo vā devīprasādaḥ, yathā bā goṣṭhyaḥ samabhavan, yādṛśyaśca kathāḥ samajāyanta, yo vātiśayena tava smarati, yasya vā tvayi garīyasī prītirastī'ti' / | | kad pb1.1602 | tataḥ khalvāgate deve keyūrakeṇa saha pratinivṛtyāhaṃ tathaiva kusumaśayanīyasamīpe samupāviśam, atiṣṭhañca sukhaṃ navanavānanubhavantī devīprasādān / | | kad pb1.1603 | kiṃ bahunā, prāyeṇa mama cakṣuṣi cakṣuḥ, vapuṣi vapuḥ, kare karapallavaḥ, nāmākṣareṣu vāṇo, prītauhṛdayaṃ devyāḥ sakalameva taṃ divasamabhavat aparāhle ca māmevāvalambya niṣkramya himagṛhakāt sañcarantī yadṛcchayā niṣiddhaparijanā vallabhabālodyānaṃ jagāma / |
|
