|
| |
|
| |
| Text Name | daśakumāracaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| dkc 8.314 | rañjitātape tu samaye janasamājajñānopayogīni saṃhṛtya nṛtyagītanānāruditādi hastacaṅkramaṇamūrdhvapādālātapādāpīḍavṛścikamakaralaṅghanādīni matsyodvartanādīni ca karaṇāni punarādāyādāyāsannavartināṃ kṣurikāstābhirupāhitavarṣmā citraduṣkarāṇi karaṇāni śyenapātotkrośapātādīni darśayanviṃśaticāpāntarālāvasthitasya pracaṇḍavarmaṇaḥ kṣurikathaikayā pratyurasaṃ prahṛtya jīyādvarṣasahasraṃ vasantabhānuriti gadanmadgātramutkartumudyatāseḥ kasyāpi cārabhaṭasya pīvarāṃsabāhuśikharamākramya tāvataiva taṃ vicetīkurvannākulaṃ ca lokamuccakṣūkurvandvipuruṣocchritaṃ prākāramatyalaṅghayam / | | dkc 8.315 | avaplutya copavane madanupātināmeṣa panthā dṛśyata iti bruvāṇa eva nālījaṅghasamīkṛtasaikatāspaṣṭapādanyāsayā tamālavīthyā cāruprākāraṃ prācā pratidhāvitaḥ punaravācocciteṣṭakatvādalakṣyapātena pradrutya laṅghitaprākārakhātavalayastasyāṃ śūnyamaṭhikāyāṃ tūrṇameva praviśya pratimuktapūrvaveṣaḥ saha kumāreṇa matkarmatumularājadvāri duḥkhalabdhavartmā śmaśānoddeśamabhyagām / | | dkc 8.316 | prāgeva tasmindurgāgṛhe pratimādhiṣṭhāna eva mayā kṛtaṃ bhagnapārśvasthairyasthūlaprastarasthagitabāhyadvāraṃ bilam / |
|
| |
|
| |
