| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.442 | tārāpīḍaḥ krīḍāvyāsaṅgavidhātārthaṃ bahirnagarādanuśipram addhakrośamātrāyāmam, atimahatā tuhinagiriśikharamālānukāriṇā sudhādhavalitena prākāramaṇḍalena parivṛtam, anuprākāramāhitena mahatā parikhāvalayena pariveṣṭitam, atidṛḍhakapāṭasampuṭam, uddhāṭitaikadvārapraveśam, ekāntoparacitaturagabāhyālīvibhāgam, adhaḥkalpitavyāyāmaśālam, amarāgārākāram, vidyāmandiram akārayat / | | kad pb1.443 | sarvavidyācāryāṇāñca saṃgrahe yatnamatimahāntamanvatiṣṭhat / | | kad pb1.444 | tatrasthañca taṃ keśarikiśorakamiva pañjaragataṃ kṛtvā pratiṣiddhanirgamam, ācāryakulaputraprāyaparijanam, apanītāśeṣaśiśujanakrīḍanavyāsaṅgam, ananyamanasam, akhilavidyopādānārthamācāryebhyaścandrāpīḍaṃ śobhane divase vaiśampāyanadvitīyamarpayāmbabhūva / |
|
