|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.730 | vinirgataśca sasambhramapracalitagajaghaṭāsahasrairanyonyasaṅghaṭṭajarjaritātapatramaṇḍalairādarāvanatamauliśithila maṇimukuṭapaktibhirāvarjitaratnakarṇapūraiḥ kapolasthalaskhalitaratnakuṇḍalairājñaptasenāpatinirddiśyamānanāmabhiravanibhujāṃ cakrabālaiḥ graṇamyamānaḥ, bahalasindūrareṇupāṭalena kṣititaladolāyamānasthūlamuktākalāpāvacūlena sita kusumamālājālaśabalaśirasā saṃlagnasandhyātapena tiryyagāvarjjitaśvetagaṅgāpravāheṇa tārāgaṇadanturitaśikharaśilātalena merugiriṇeva gandhamādanenānugamyamānaḥ, kanakālaṅkāraprabhāpratānakalmāṣitāvayavena ca dattakuṅkamasthāsakenevākṛṣyamāṇenendrāyudhena sanāthīkṛtapurobhāgaḥ śanaiḥ śanaiḥ prathamameva śātakratavīmāśāmabhipratasthe / | | kad pb1.731 | atha calitagajaghaṭākampitadhavalātapatravanam, anekakallolaparamparāpatitacandramaṇḍalapratibimbasahasram, mahāpralayajaladhijalamiva plāvitamahītalam, adbhutodbhūtakalakalam, akhilaṃ sañcacāla balama / | | kad pb1.732 | uccalitasya cāsya svabhavanādupapāditaprasthānamaṅgalo dukūlavāsāḥ sitakusumāṅgarāgo mahatā balasamūhena narendravṛndaiścānugamyamānaḥ dhṛtadhavalātapatro dvitīya iva yuvarājastvaritapadasañcāriṇyā kariṇyā vaiśampāyanaḥ samīpamājagāma / |
|
| |
|
| |
