|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.744 | gulphadvayase ca turaṅgamukhaviniḥsṛtasitaphenapallavite madapayasi madasrutāṃ kariṇāṃ pracaskhaluḥ pade pade padātayaḥ / | | kad pb1.745 | haritālaparimalanibhena cātipaṭunā gajamadāmodenānuliptasya sāmajasya vā'yaṃ yayau nikhilānyagandhagrahaṇasāmarthyaṃ ghrāṇendriyasya / | | kad pb1.746 | krameṇa ca prasarpato balasya puraḥ pradhāvatāṃ janakadambakānāṃ kolāhalena, tārataradīrgheṇa ca kāhalānāṃ ninādena, khuraravamiśritena ca vājināṃ hneṣāraveṇa, anavaratakarṇatālasvanasampṛktena ca dantināmāḍambararaveṇa, graiveyakakiṅkiṇīkvaṇitānusṛtena ca gativaśādviṣamavirāviṇīnāṃ ghaṇṭānāṃ ṭaḍkṛtena, maṅgalaśaṅkhaśabdasaṃvaddhitadhvanīnāñca prayāṇapaṭahānāṃ ninādenamuhurmuhuritastatastāḍyamānānāñcaḍiṇḍimānāṃ niḥsvanena, jarjarīkṛtaśravaṇapuṭasya mūrcchevābhavajjanasya / |
|
| |
|
| |
