•  Pandanus Homepage  •  Database of Plants  •  Publications  •  Sanskrit E-texts  •  Seminar of Indian Studies  •

Context: the preceding and the following line for harṣacaritam 3.229 back to results view  |  new search

Text Name harṣacaritam Transcribed by students of the Institute of Indian Studies, Faculty of Arts, Charles University, Prague. Proofread by students of the Institute of Indian Studies, Faculty of Arts, Charles University, Prague. Notes ...

har 3.228 taireva cānugamyamāno jagāma tāṃ balidīpālokajarjaritagugguludhūpadhūmagṛhyamāṇadigbhāvatayā vikṣipyamāṇarakṣāsarṣapārdhadagdhāndhakārapalāyamānaniśāmiva samupakalpitasarvopakaraṇāṃ niḥśabdāṃ ca gambhīrāṃ ca bhīṣaṇāṃ ca sādhanabhūmim / har 3.229 tasyāṃ ca kumudadhūlidhavalena bhasmanā likhitasya mahato maṇḍalasya madhye sthitaṃ dīptataratejaḥprasaram, pṛthupariveśaparikṣiptamiva śaratsavitāram, mathyamānakṣīrodāvartavartinamiva mandaram, rktacandanānulepino raktasragambarābharaṇasyottānaśayasya śavasyorasyupaviśya jātajātavedasi mukhakuhare prārabdhāgnikāryam, kṛṣṇoṣṇīṣam, kṛṣṇāṅgarāgam, kṛṣṇapratisaram, kṛṣṇavāsasam, kṛṣṇatilāhutinibhena vidyādharatkvatṛṣṇayā mānuṣanirmāṇakāraṇakāluṣyaparamāṇūniva kṣayamupanayantam, āhutidānaparyastābhiḥ pretamukhasparśadūṣitam, prakṣālayantamivāśuśukṣaṇiṃ karanakhadīdhitibhirdhūmālohitena cakṣuṣā kṣatajāhutimiva hutabhuji pātayantam, īṣadvivṛtādharapuṭaprakaṭitasitadaśanaśikhareṇa dṛśyamānamūrtamantrākṣarapaṅktineva mukhena kimapi japantam, h omaśramasvedasalilapratibimbitābhirāsannadīpikābhirdahantamiva siddhaye sarvāvayavān, aṃsāvalambinā bahuguṇena vidyārājeneva brahmasūtreṇa parigṛhītaṃ bhairavācāryamapaśyat, upasṛtya cākaronnamaskāram, abhinanditaśca tena svavyāpāramanvatiṣṭhat / har 3.230 atrāntare pātālasvāmī śātakratavīmāśāmaṅgīcakāra /

back to results view  |  new search

(c) 1998 - 2005 Seminar of Indian Studies, Institute of South and Central Asia, Faculty of Arts, Charles University.