|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 4.25 | bhaktajanānurodhavidheyāni tu bhavanti devatānāṃ manāṃsi / | | har 4.26 | yataḥ sa rājā kadācidgrīṣmasamaye yadṛcchayā sitakarakarasitasudhādhavalasya harmyasya pṛṣṭhe suṣvāpa / | | har 4.27 | pārśve cāsya dvitīyaśayane devī yaśovatī śiśye pariṇataprāyāyāṃ tu śyāmāhām, āsannaprabhātavelāvilupyamānalāvaṇye, lilambiṣamāṇe sīdattejasi tārakeśvare, karāgraspṛṣṭakumudinīpramodajanmani śaśadharasveda iva galatyatiśītale'vaśyāyapayasi, madhumadamattaprasuptasīmantinīniḥśvāsahateṣu saṃkrāntamadeśviva ghūrṇamāneṣvantaḥpurapradīpeṣu rājani ca vimalanakhapratibimbitābhiḥ saṃvāhyamānacaraṇa iva tārakābhirvisrabdhaprasāritairdigaṅganānāmivārpitairaṅgairmadhusugandhibhiḥ svahastakamalatālavṛntavātairiva śvasitairmukhaśriyā vījyamāne vimalakapolasthalasthitena sitakusumaśekhareṇeva ratikelikacagrahalambitena pratimāśaśibimbena virājite svapati devī yaśovatī sahasaiva "āryaputra, paritrāyasva paritrāyasva" iti bhāṣamāṇā bhūṣaṇaraveṇa vyāharantīva parijanamutkampamānāṅgayaṣṭirudatiṣṭhat / |
|
| |
|
| |
