|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 5.17 | ahni ca tasmiñśūnyenaiva ca cetasā cikrīḍa mṛgayām / | | har 5.18 | ārohati ca haritahaye madhyamahno bhavanamāgatyobhayato mandamandaṃ saṃvāhyamānatanutālavṛntaḥ kṣititalavitatāmatiśiśiramalayajarasalavalulitavapuṣamindudhavalopadhānadhāriṇīṃ vetrapaṭṭikāmadhiśayānaḥ sāśaṅka eva tasthau / | | har 5.19 | atha dūradeva lekhagarbhayā nīlīrāgamecakarucā cīracīrikayā racitamuṇḍamālakam, śramātapābhyāmāropyamāṇakāyakālimānam, antargatena śokaśikhināṅgāratāmiva nīyamānam, atitvarāgamanadrutatarapadoddhūyamānadhūlirājivyājena rājavārtāśravaṇakutūhalinyā medinyevānugamyamānam, abhimukhapavanapreṅkhatpravitatottarīyapaṭaprāntavījyamānobhayapārśvamatitvarayā kṛtapakṣamivāśu parāpatantam, preryamāṇamiva pṛṣṭhataḥ svāmyādeśena kṛṣyamāṇamiva purastādāyataiḥ śramaśvāsamokṣaiḥ svidyallalāṭataṭaghaṭamānapratibimbakena kāryakautukādapahriyamāṇalekhamiva bhāsvatā saṃbhramabhraṣṭairivendriyaiḥ śūnyahṛyatayā skhalantam, kālameghaśakalamiva patiṣyato durvārtāvajrasya, dhūmapallavamiva jvaliṣyataḥ śokajvalanasya, bījamiva phaliṣyato duṣkṛtaśāleranimittabhūtadīrghādhvagaṃ kuraṅgakanāmānamāyāntamadrākṣīt / |
|
| |
|
| |
