| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1068 | yadi tāvaditarakanyakeva vihāya lajjām, utsṛjya dhairyyam, unmucya vinayam, acintayitvā janāpavādam, atikramya sadācāram, ullaṅghya śīlam, avagaṇayya kulama, aṅgīkṛtyāyaśaḥ, rāgāndhavṛttiḥ, ananujñātā pitrā, ananumoditā mātrā, svayamupagamya grāhayāmi pāṇim, evaṃ gurujanātikramādadharmmo mahān / | | kad pb1.1069 | atha dharmmānurodhāditarapakṣāvalambanadvāreṇa mṛtyumaṅgīkaromi, evamapi prathamaṃ tāvat svayamāgatasya prathamapraṇayinastatrabhavataḥ kapiñjalasya praṇayaprasarabhaṅgaḥ / | | kad pb1.1070 | punaraparaṃ yadi kadācittasya janasya matkṛtādāśābhaṅgāt prāṇavipattirupajāyate, tadapi munijanavadhajanitaṃ mahadeno bhavet' / |
|
