| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1239 | tvatpremṇā cāsmin vastuni mayā kumārikājanaviruddhaṃ svātantryamālambyāṅgīkṛtamayaśaḥ, samavadhīrito vinayaḥ, guruvacanamatikrāntam, na gaṇito lokāpavādaḥ, vanitājanasya sahajamābharaṇamutsṛṣṭā lajjā, sa kathaya kathamiva punaratra pravarttate? tadayamañjaliruparacitaḥ, praṇāmo'yam, idañca pādagrahaṇam, anugṛhāṇa mām, vanamito gatāsi me jīvitena saheti mā kṛthāḥ svapne'pi punarimamarthaṃ manasi ityabhidhāya tūṣṇīmabhūt / | | kad pb1.1240 | mahāśvetā tu tacchrutvā suciraṃ vicārya 'gaccha, svayamevāhamāgatya yathārhamācariṣyāmi' ityuktvā keyūrakaṃ prāhiṇot / | | kad pb1.1241 | gate ca keyūrake candrāpīḍamuvāca ?? 'rājaputra! ramaṇīyo hemakūṭaḥ, citrā ca citraratharājadhānī, bahukutūhalaḥ kimpuruṣāviṣayaḥ, peśalo gandharvalokaḥ, saralahṛdayā mahānubhāvā ca kādambarī, yadi nātikhedakaramiva gamanaṃ kalayasi, nāvasīdati vā guruprayojanam, adṛṣṭacaraviṣayakutūhali vā cetaḥ, madvacanamanurudhyate vā bhavān sukhadāyi vā āścaryadarśanam, arhāmi vā praṇayam, imamapratyākhyānayogyaṃ vā janaṃ manyase, samārūḍho vā paricayaleśaḥ, anugrāhyo vā'yaṃ janaḥ, tato nārhsi niṣphalāṃ kartumabhyarthanābhimām / |
|
