| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.858 | kaścāyaṃ prakāraḥ, yattaireva pañcabhirmahābhūtairārabdhamīdṛśīṃ dhavalatāṃ dhatte śarīram? nedamasmābhiranyatra dṛṣṭaśrutapūrvaṃ vā / | | kad pb1.859 | apanayatu naḥ kautukam, āvedayatu bhavatī sarvamidam / | | kad pb1.860 | ityevamabhihitā sā kimapyantardhyāyantī tūṣṇīṃ muhūrttamiva sthitvā niḥśvasya sthūlasthūlairantargatāṃ hṛdayaśuddhimivādāya nirgacchadbhiḥ, indrayaprasādamiva varṣadbhiḥ, taporasanisyandamiva sravadbhiḥ locanaviṣāyaṃ dhavalimānamiva dravīkṛtya pātayadbhiḥ, acchācchaiḥ, amalakapolasthalaskhalitaiḥ, avaśīrṇahāramuktamuktāphalataralapātaiḥ, anubaddhabindubhiḥ, valkalāvṛtakucaśikharajarjaritaśikaraiḥ, aśrubhirāmīlitalocanā niḥśabdaṃ roditumārebhe / |
|
