| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.859 | apanayatu naḥ kautukam, āvedayatu bhavatī sarvamidam / | | kad pb1.860 | ityevamabhihitā sā kimapyantardhyāyantī tūṣṇīṃ muhūrttamiva sthitvā niḥśvasya sthūlasthūlairantargatāṃ hṛdayaśuddhimivādāya nirgacchadbhiḥ, indrayaprasādamiva varṣadbhiḥ, taporasanisyandamiva sravadbhiḥ locanaviṣāyaṃ dhavalimānamiva dravīkṛtya pātayadbhiḥ, acchācchaiḥ, amalakapolasthalaskhalitaiḥ, avaśīrṇahāramuktamuktāphalataralapātaiḥ, anubaddhabindubhiḥ, valkalāvṛtakucaśikharajarjaritaśikaraiḥ, aśrubhirāmīlitalocanā niḥśabdaṃ roditumārebhe / | | kad pb1.861 | tāñca praruditāṃ dṛṣṭvā candrāpīḍastatkṣaṇamacintayat'aho! durnivāratā vyasanopanipātānām, yadīdṛśīmapyākṛtimanabhibhavanīyāmātmīyāṃ kurvanti / |
|
