|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.727 | samantāt sasambhramotthitaiśca parasparasaṅghaṭṭa vighaṭitahārasūtravigalitān anavaratamāśāvijayaprasthānamaṅgalalājāniva muktāphalaprakarān kṣāradbhiḥ, pārijāta iva sitakusumamukalapātibhiḥ kalpapādapaiḥ, airāvata iva vimuktakaraśīkarairāśāgajaiḥ, gaganābhoga iva tārāgaṇavarṣibhirdigantaraiḥ, jaladakāla iva sthūlajalalavāsārasyandibhirjaladharaiḥ, anugamyamāno narapatisahasrāsthānamaṇḍapānniragāt / | | kad pb1.728 | nirgatya ca pūrvārūḍhayā patralekhayā adhyāsitāntarāsanām, upapāditaprasthānasamucitamaṅgalyālaṅkārāṃ sasambhramādhoraṇopanītāṃ kareṇukāmāruhya acalarecakacakrīkṛtakṣīrodāvarttapāṇḍureṇa daśavadanabāhudaṇḍāvasthitakailāsakāntinā muktāphalajālinā śataśalākenātapatreṇa nivāyyamāṇātapo nirgantumārebhe / | | kad pb1.729 | nirgacchaṃśca abhyantarāvasthita eva prākārāntaritadarśanānāṃ dvārāvasthitānāṃ pratipālayatāṃ rājñāmunmayūkhānāṃ cūḍāmaṇīnāmalaktakadravadyutimuṣā bahalenālokabālātapena rājyābhiṣekānantaraprasṛtena svapratāpavahninevātyarthaṃ piñjarīkriyamāṇā daśa diśaḥ yauvarājyābhiṣekajanmanā nijānurāgeṇevarajyamānamavanitalam, āsannaripuvināśapiśunena digdāheneva pāṭalīkriyamāṇamambaratalam, abhimukhāgatabhuvanatalalakṣmīcaraṇālaktakaraseneva lohitāyamānātapaṃ divasaṃ dadarśa / |
|
| |
|
| |
