|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.757 | mṛnmaya iva babhūva divasaḥ, pustamayya iva cakāśire kakubhaḥ, reṇurūpeṇeva pariṇatamambaratalam, ekamahābhūtamayamiva trailokyamāsīt / | | kad pb1.758 | atha nijamadoṣmasantaptānāṃ dantināṃ diśi diśi karavivaraviniḥsṛtaiḥ kṣaradbhiḥ kṣīrodakṣodadhavalaiḥ śīkarāsāraiḥ karṇapallavaprahativisṛtena ca visarpatā dānajalabindudurddinena, hreṣāravaviprakīrṇaiśca vājināṃ lālājalalavajālakairupaśamite rajasi, punarapi jātālokāsu dikṣu, sāgarasalilādiva unmagnamālokya tadaparimāṇaṃ balamupajātavismayaḥ saveto dattadṛṣṭirvaiśampāyanaścandrāpīḍamābabhāṣe ?? 'yuvarāja! kiṃ na jitaṃ devena mahārājādhirājena tārāpīḍena yajjeṣyasi; kā diśo na vaśīkṛtāḥ yā vaśīkariṣyasi; kāni durgāṇi na prasādhitāni yāni prasādhayiṣyasi; kāni dvīpāntarāṇi nātmīkṛtāni yānyātmīkariṣyasi; kāni ratnāni nopājitāni yānyupārjayiṣyasi; ke vā na praṇatā rājānaḥ, kairna viracitaḥ śirasi bālakamalakuḍamalakomalaḥ sevāñjaliḥ kairna masṛṇīkṛtāḥ pratibaddhahemapaṭṭairlalāṭaiḥ sabhābhuvaḥ, kairna ghṛṣṭāḥ pādapīṭhe cūḍāmaṇayaḥ, kairna pratipannā vetrayaṣṭayaḥ kairnoddhṛtāni cāmarāṇi, kairnoccāritā jayaśabdāḥ, keṣāṃ na pītāḥ kirīṭapatramakaraiḥ sālaladhārā iva nirmalāstaccaraṇanakhamayūkha rājayaḥ / | | kad pb1.759 | ete hi caturudadhijalāvagāhadurlalitabalamadāvaliptā daśarathabhagīrathabharatadilīpālarkamāndhātṛpratimāḥ kulābhimānaśālinaḥ somapāyino mūrddhābhiṣiktāḥ pṛthivyāṃ sarvapārthivā rakṣābhūtimivābhiṣekapayaḥpātapūtaiścūḍāmaṇipallavairudvahanti maṅgalyāṃ bhavaccaraṇarajaḥsaṃhatim / |
|
| |
|
| |
