|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.475 | ayamatrabhavato daśamo vatsaraḥ vidyāgṛhamadhivasataḥ, praviṣṭo'si ṣaṣṭhamanubhavan varṣam, evaṃ sampiṇḍitenādhunā ṣoḍaśena pravarddhase, tadadyaprabhṛti nirgatya darśanotsukābhyo dattvā darśanamakhilābhyo mātṛbhyaḥ, abhivādya ca gurūn, apagataniyantraṇo yathāsukhamanubhava rājyasukhāni navayauvanalalitāni ca, sammānaya rājalokam, pūjaya dvijātīn, paripālaya prajāḥ, ānandaya bandhuvargam' / | | kad pb1.476 | ayañca te tribhuvanaikaratnamanilagaruḍasamajava indrāyudhanāmā turaṅgamaḥ preṣito mahārājena dvāri tiṣṭhati / | | kad pb1.477 | eṣa khalu devasya pārasīkādhipatinā tribhuvanāścaryyamiti kṛtvā 'jalanidhijalādutthitamayonijamidamaśvaratnamāsāditaṃ mayā mahārājādhirohaṇayogyam' iti sandiśya prahitaḥ / |
|
| |
|
| |
