| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.717 | sarvathā kalyāṇaiḥ pitrā kriyamāṇamanubhavatu bhavān navayauvarājyābhiṣekamaṅgalam, kulakramāgatāmudvaha pūrvapuruṣairūḍhāḥ dhuram, avanamaya dviṣatāṃ śirāṃsi, unnamaya bandhuvargam abhiṣekānantarañca grārabdhadigvijayaḥ paribhraman vijitāmapi tava pitrā saptadvīpabhūṣaṇāṃ punarvijayasva vasundharām / | | kad pb1.718 | ayañca te kālaḥ pratāpamāropayitum, ārūḍhapratāpo hi rājā trailokyadarśīva siddhādeśo bhavati' ityetāvadabhidhāyopaśaśāma / | | kad pb1.719 | upaśāntavacasi śukanāse candrāpīḍastābhiramalābhiḥ upadeśavāgbhiḥ prakṣālitaiva, unmīlita iva, svacchīkṛta iva, nirmṛṣṭa iva, abhiṣikta iva, abhilipta iva, alaṅkṛta iva pavitrīkṛta iva, udbhāsita iva, prītahṛdayo muhūrttaṃ sthitvā svabhavanamājagāma / |
|
