|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.948 | athāhaṃ tāmasamprāptāmeva bhūtalamakṣamālāṃ gṛhītvā salīlaṃ tadbhujapāśasandānitakaṇṭhagrhasukhamivānubhavantī darśitāpūrvahāralatālīlāṃ kaṇṭhābharaṇatāmanayam / | | kad pb1.949 | itthambhūte ca vyatikare chatragrāhiṇī māmavocat 'bharttṛdārike! snātā devī, pratyāsīdita gṛhagamanakālaḥ, tatkriyatāṃ majjanavidhiḥ' iti / | | kad pb1.950 | ahantu tena tasyā vacanena navagrahā kariṇīva prathamāṅkuśapātenānicchayā kathaṃ kathamapi samākṛṣyamāṇā tanmukhāllāvaṇyapaṅkamagnāmiva kaoplapulakakaṇṭakajālakalagnāmiva, madanaśaraśalākākīlitāmiva, saubhāgyaguṇasyūtāmiva atikṛcchreṇa dṛṣṭimākṛṣya snātumudacalam / |
|
| |
|
| |
