| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1054 | tadevamavasthite yadatrāvasaraprāptam īdṛśasya cānurāgasya sadṛśam, asmadāgamanasya cānurūpam, ātmano vā samucitam, tatra prabhavati bhavatī ityamidhāya kimiyaṃ vakṣyatīti manmukhāsaktadṛṣṭistūṣṇīmāsīt / | | kad pb1.1055 | ahantu tadākarṇya sukhāmṛtamaye hrada iva nimagnā, ratirasamayamudadhimivāvatīrṇā, sarvānandānāmupari varttamānā, sarvamanorathānāmagramivādhirūḍhā, sarvotsavānāmatibhūmimivādhiśayānā, tatkālopajātayā lajjayā kiñcidavanamyamānavadanatvādaspṛṣṭakapolodaraiḥ, grathitairivoparyyupari patanānubandhadarśitamālākramaiḥ, | | kad pb1.1056 | aprāptapakṣmasaśleṣatayā upajātaprathimamayairamalarānandabāṣpajalabindubhiḥ sravadbhirāvedyamānapraharṣaprasarā, tatkṣaṇamacintayam ?? 'diṣṭyā tāvadayamanaṅgomāmiva tamapyanubadhnāti, yatsatyamanename santāpayatāpyaṃśena darśitānukūlatā / |
|
