| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1055 | ahantu tadākarṇya sukhāmṛtamaye hrada iva nimagnā, ratirasamayamudadhimivāvatīrṇā, sarvānandānāmupari varttamānā, sarvamanorathānāmagramivādhirūḍhā, sarvotsavānāmatibhūmimivādhiśayānā, tatkālopajātayā lajjayā kiñcidavanamyamānavadanatvādaspṛṣṭakapolodaraiḥ, grathitairivoparyyupari patanānubandhadarśitamālākramaiḥ, | | kad pb1.1056 | aprāptapakṣmasaśleṣatayā upajātaprathimamayairamalarānandabāṣpajalabindubhiḥ sravadbhirāvedyamānapraharṣaprasarā, tatkṣaṇamacintayam ?? 'diṣṭyā tāvadayamanaṅgomāmiva tamapyanubadhnāti, yatsatyamanename santāpayatāpyaṃśena darśitānukūlatā / | | kad pb1.1057 | yadi ca satyameva tasyedṛśī daśā varttate, tataḥ kimiva nopakṛtamanena, kiṃvā nopapāditam, ko vānenāparaḥ, samāno bandhuḥ / |
|
