| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1079 | unmīlitalocanāñca māṃ sā kṛtapādapraṇāmācandanapaṅkārdreṇa karayugalena baddhāñjaliravādīt'bharttṛdārike! kiṃ lajjayā gurujanāpekṣayā vā / | | kad pb1.1080 | prasīda, preṣaya mām, ānayāmi te hṛdayadayitaṃ janam, uttiṣṭha svayaṃ vā tatra gamyatām, ataḥ paramasamarthāsmi soḍhamimaṃ prabalacandrodayavijṛmbhamāṇotkalikāśatamudadhimiva makaracihnam' ityevaṃvādinīṃ tāmahamavocam'unmatte! kiṃ manmathena / | | kad pb1.1081 | nanvayaṃ sarvavikalpānapaharan, sarvopāyadarśanānyutsārayan, sarvānantarāyān antarayan, sarvaśaṅkāstiraskurvan, lajjāmunmūlayan, svayamabhigamanalāghavadoṣamāvṛṇvan, kālātipātaṃ pariharan, āgata eva mṛtyostasyaiva vā sakāśaṃ netā kumudabāndhavaḥ / |
|
