| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1413 | tathāhi, sambhāṣaṇamapyadhaḥkaraṇamivāpatati, ādaro'pi prabhutābhimānamivānumāpayati, stutirapyātmotsekamiva sūcayati, upacāro'pi capalatāmiva prakāśayati, prītirapyanātmajñatāmiva jñāpayati, vijñāpanāpi prāgalbhyamiva jāyate, sevāpi cāpalamiva dṛśyate, dānamapi paribhava iti bhavati / | | kad pb1.1414 | api ca svayaṃ gṛhītahṛdayāya kiṃ dīyate, jīviteśvarāya kiṃ pratipādyate prathamakṛtāgamanamahopakārasya kā te pratyupakriyā, darśanadattajīvitaphalasya saphalamāgamanaṃ kena te kriyate / | | kad pb1.1415 | praṇayitāñcānena vyapadeśena darśayati kādambarī, na vibhavam / |
|
