|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1420 | tadayamamṛtamathanasamudbhūtānāṃ sarvaratnānāmekaḥ śeṣa iti śeṣanāmā hāro'munaiva hetunā bahumato bhagavatā ambhasāmpatyā gṛhamupagatāya pracetase dattaḥ, pāśabhṛtāpi gandharvarājāya, gandharvarājenāpi kādambaryai, tayāpi tvadvapurasyānurūpamābharaṇasyeti vibhāvayantyā nabhastalamevocitaṃ sudhāsūterdhāma na dharetyavadhāryyānupreṣitaḥ / | | kad pb1.1421 | yadyapi nijaguṇagaṇābharaṇabhūṣitāṅgayaṣṭayo bhavādṛśāḥ kleśahetumitarajanabahumatamābharaṇabhāramaṅgeṣu nāropayanti, tathāpi kādambarīprītiratra kāraṇam / | | kad pb1.1422 | kiṃ na kṛtamurasi śilāśakalaṃ kaustubhābhidhānaṃ lakṣmyāḥ sahajamiti bahumānamāviṣkurvatā bhagavatā śārṅgapāṇinā! na ca nārāyaṇo'trabhavantamatiricyate, nāpi kaustubhamaṇiraṇunāpi guṇalavena śeṣamatiśete na, cāpi kādambarīmākārānukṛtikalayāpyalpīyasyā lakṣmīranugantumalam / |
|
| |
|
| |
