| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1642 | pratyākhyānamapīrṣyāṃ sambhāvayati, ākrośamapi parihāsamākalayati, asambhāṣaṇamapi mānaṃ manyate, doṣasaṅkīrttanamapi smaraṇopāyamavagacchati, avajñānamapyaniyantraṇaṃ praṇayamutprekṣate, lokāpavādamapi yaśo gaṇayati' iti / | | kad pb1.1643 | tāmevaṃvādinīmākarṇya praharṣarasanirbharā manasyakaravam ?? 'aho! candrāpīḍamuddiśya sudūramākṛṣṭā khalviyaṃ makaraketunā / | | kad pb1.1644 | yadi ca satyameva kādambarīvyājena sākṣanmanobhavacittavṛttiḥ prasannā devasya candrāpīḍasya, tataḥ sahajaiḥ sādaraṃ saṃvarddhitaiḥ pratyupakṛtabhasya guṇaiḥ, yaśasā dhavalitāḥ kakubhaḥ, yauvanena ratirasasāgarataraṅgaiḥ pātitā ratnavṛṣṭiḥ, yauvanavilāsairlikhitaṃ nāma śaśini, saubhāgyena prakāśitā nijaśrīḥ, lāvaṇyenaindavībhiriva vṛṣṭamamṛtaṃ kalābhiḥ / |
|
