|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1012 | sarvathā durlabhaṃ yauvanamāskhalitamiti / | | kad pb1.1013 | upasṛtya ca tasminneva śilātalaikapārśve samupaviśya aṃsadeśāvasaktapāṇiḥ tamanunmīlitalocanameva 'sakhe! puṇḍarīka! kathaya kimadam' ityapṛccham / | | kad pb1.1014 | atha sucirasammīlanāllagnamiva kathamapi prayatnena anavaratarodanavaśāt samupajātāruṇabhāvamaśrujalapūraplāvitam utkupitamiva savedanamiva svacchāṃśukāntaritaraktakamalavanacchāyaṃ cakṣurunmīlya mantharamantharayā dṛṣṭyā suciraṃ vilokya māma āyatataraṃ niśvasya lajjāviśīryyamāṇaviralākṣaraṃ 'sakhe! kapiñjala! viditavṛttānto'pi ki māṃ pṛcchasi 'iti kṛcchreṇa śanaiḥ śanaiḥ avadat! ahantu tadākarṇya tadavasthayaivāpratīkāravikāro'yam, tathāpi suhṛdā suhṛdasanmārgapravṛtto yāvacchaktitaḥ sarvātmanā nivāraṇīya iti manasāvadhāryyābravam ?? 'sakhe puṇḍarīka! suviditametat mama, kevalamidameva pṛcchāmi ?? yadetadārabdhaṃ bhavatā, kimidaṃ gurubhirupadiṣṭam, uta dharmmaśāstreṣu paṭhitam, uta dharmmārjanopāyo'yam, utāparastapasāṃ prakāraḥ, uta svargagamanamārgo'yam, uta vratarahasyamidam, uta mokṣapraptiyuktiriyam, āhosvidanyo niyamaprakāraḥ / |
|
| |
|
| |
