|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1017 | kā vā sukhāśā sādhujananinditeṣvevaṃvidheṣu prākṛtajanabahumateṣu viṣayeṣu bhavataḥ? / | | kad pb1.1018 | sa khalu dharmmabuddhyā viṣalatāvanaṃsiñcati, kuvalayamāleti nistriṃśalatāmāliṅgati, kṛṣṇāgurudhūmalekheti kṛṣṇasarpamavagūhate, ratnamiti jvalantamaṅgāramabhispṛśati, mṛṇālamiti duṣṭavāraṇadantamusalam unmūlayati, mūḍho viṣayopabhogeṣvaniṣṭānubandhiṣu yaḥ sukhabuddhimāropayati / | | kad pb1.1019 | adhigataviṣamatattvo'pi kasmāt khadyota iva jyotirnirvīryyamidaṃ jñānamudvahasi, yato na nivārayasi prabalarajaḥ prasarakaluṣitāni srotāṃsīvonmārgaprasthitānīndriyāṇi, na niyamayasi vā kṣubhitaṃ manaḥ / |
|
| |
|
| |
