|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.141 | iti cintayatyeva mayi sa śabarasenāpatiraṭavīparibhramaṇasamudbhavaṃ śramamapaninīṣurāgatya tasyaiva śālmalītaroradhaśchāyāyāmavatāritakodaṇḍastvaritaparijanopanītapallavāsane samupāviśat / | | kad pb1.142 | anyatamastu śabarayuvā sasambhramamavatīryya tasmāt karayugalaparikṣobhitāmbhasaḥ saraso vaidūryyadravānukāri pralayadivasakarakiraṇopatāpādambaraikadeśamiva vilīnam, indumaṇḍalādiva prasyanditam, drutamiva muktāphalanikaram, atyacchatayāsparśānumeyaṃ himajaḍam, aravindakośarajaḥkaṣāyamambhaḥkamalinīpatrapuṭena, pratyagroddhṛtāśca dhautapaṅkanirmmalā mṛṇālikāḥ samupāharat / | | kad pb1.143 | āpītasalilaśca senāpatistā mṛṇālikāḥ śaśikalā iva saiṃhikeyaḥ krameṇādaśat / |
|
| |
|
| |
