|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.263 | yasyāñca sandhyārāgāruṇā iva sindūramaṇikuṭṭimeṣu, prārabbhanīlakamalinīparimaṇḍalā iva marakatavedikāsu gaganatalaprasṛtā iva vaidūryyamaṇibhūmiṣu, timirapaṭalavighaṭanodyatā iva kṛṣṇāgurudhūmamaṇḍaleṣu abhibhūtatārakāpaṅktaya iva muktāprālambeṣu, vikacakamalacumbita iva nitambinīmukheṣu, grabhātacandrikāmadhyapatitā iva sphaṭikabhittiprabhāsugaganasindhutaraṅgāvalambina iva sitapatākāṃśukeṣu, pallavitā iva sūryyakāntopaleṣu, rāhumukhakuharapraviṣṭā ivendranīlavātāyanavivareṣu virājante ravigabhastayaḥ / | | kad pb1.264 | yasyāñcānupajātatimiratvādavighaṭitacakravākamithunā vyarthīkṛtasuratapradīpāḥ sañjātamadanānaladigdāhā iva yānti kāmanīnāṃ bhūṣaṇaprabhābhirbālātapapiñjarā iva rajanyaḥ / | | kad pb1.265 | yāñca sannihitaviṣamalocanāmanavaratamatimadhuro ratipralāpa iva prasartan mukharīkaroti makaraketu dāhahetubhūto bhavanakalahaṃsakolāhalaḥ / |
|
| |
|
| |
