|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.306 | yathaiva rājā sarvakāryyāṇyakārṣīṃt tadvadasāvapi dviguṇīkṛtaprajānurāgo rājakāryyāṇi cakre / | | kad pb1.307 | tamapi āvalitacūḍāmaṇimarīcimañjarījālibhirmaulibhirāvarjitakusuma śekharacyutamadhuśikarasiktanṛpasabhaṃ dūrāvanatipreṅkholitamaṇikuṇḍalakoṭisaṅghaṭṭitāṅgadaṃ rājakamānanāma / | | kad pb1.308 | tasminnapi calati calitacaṭulaturagabala mukharakhuraravabadhirīkṛtabhuvanāntarālāḥ, balabharapracalavasudhātaladolāyamānagirayaḥ, galanmadāndhagandhagajadānadhārāndhakārāḥ, saṃsarpadatibahaladhūlipaṭaladhūsaritasindhavaḥ, pracalatpadātibalakalakalasphoṭitakarṇavivarāḥ sarabhasodghuṣyamāṇajayaśabdanirantarāḥ, proddhūyamānadhavalacāmarasahasrasaṃcchāditāḥ, puñjitanarendravṛndakanakadaṇḍātapatrasaṃghaṭṭanaṣṭadivasāḥ, daśa diśo babhūvaḥ / |
|
| |
|
| |
