|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.410 | punaḥ punaścānubadhyamānā 'kiṃ māmatimātraṃ trapāparavaśāṃ karoṣi nāhaṃ kiñcidapi vedmi' ityabhidadhānā tiryyagvalitatārakeṇa cakṣuṣā avanatamukhī rājānaṃ sābhyasūyamivāpaśyat / | | kad pb1.411 | aparisphuṭahāsajyotsnāviśadena mukhaśaśinā bhūbhujāṃ patirenāṃ bhūyo babhāṣe ?? 'sutanu! yadi madīyena vacasā tava trapā vitanyate, tadayamahaṃ sthito nibhṛtam / | | kad pb1.412 | asya tu kiṃ pratividhāsyasi vighaṭamānadalakośaviśadacampakadyuteḥ savarṇatayā parimalānumīyamānakuṅkumāṅgarāgasya pāṇḍuratāmāpadyamānasya varṇasya, anayośca garbhasambhavāmṛtāvasekanirvāpyamāṇaśokānalaprabhavaṃ dhūmamiva vamatoḥ ānanagṛhītanīlotpalayoriva cakravākayoḥ tamālapallavalāñchitamukhayoriva kanakakalasayoḥ sakṛdivālikhitakṛṣṇāgurupaṅkapatralatayoḥ śyāmāyamānacūcukayoḥ payodharayoḥ, asya ca pratidinamatigāḍhatāmāpadyamānena kāñcīkalāpena dūyamānasya naśyattrivalilekhāvalayasya kraśimānamujjhato madhyabhāgasya' ityevaṃ bruvāṇamavanipālamantarmukhavinigūḍhahāsaḥ śukanāsaḥ'deva! kimāyāsayasi devīm, iyamanayā kathayā'pi lajjate, tyaja kulavaddhanākathitavārttāsambaddhamālāpam' ityabravīt / |
|
| |
|
| |
