|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.126 | atiprabalayā cābhibhūtā mamaiva jāyamānasya prasavavedanayā jananī me lokāntaramagamat / | | kad pb1.127 | abhimatajāyāvināśaduḥ khito'pi khalu tātaḥ sutasnehādantarnigṛhya paṭuprasaramapi śokamekākī matsaṃvardhanapara evābhavat / | | kad pb1.128 | atipariṇatavayāśca kuśacīrānukāriṇīmalpāvaśiṣṭajīrṇapicchajālajarjarām avasrastāṃsadeśaśithilām apagatotpatanasaṃskārāṃ pakṣasantatim udvahan, upārūḍhakampatayā santāpakāriṇīmaṅgalagnāṃ jarāmiva vidhunvan, akaṭhoraśephālikākusumanālapiñjareṇa kalamamañjarīdalanamasṛṇitakṣīṇopāntalekhena sphuṭitāgrakoṭinā cañcapuṭena, paranīḍanipatitābhyaḥ śālivallarībhyastaṇḍulakaṇānādāyādāya tarumūlanipatitāni ca śukakulāvadalitāni phalaśakalāni samāhṛtya paribhramitumaśakto mahyamadāt / |
|
| |
|
| |
