| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1644 | yadi ca satyameva kādambarīvyājena sākṣanmanobhavacittavṛttiḥ prasannā devasya candrāpīḍasya, tataḥ sahajaiḥ sādaraṃ saṃvarddhitaiḥ pratyupakṛtabhasya guṇaiḥ, yaśasā dhavalitāḥ kakubhaḥ, yauvanena ratirasasāgarataraṅgaiḥ pātitā ratnavṛṣṭiḥ, yauvanavilāsairlikhitaṃ nāma śaśini, saubhāgyena prakāśitā nijaśrīḥ, lāvaṇyenaindavībhiriva vṛṣṭamamṛtaṃ kalābhiḥ / | | kad pb1.1645 | tathā ca cirāllabdhaḥ kālo malayānilena, samāsādito'vasaraścandrodayena, prāptamanurūpaṃ phalaṃ madhumāsakusumasamṛddhyā, gato madirāmadadoṣo guṇatām, darśitaṃ mukhaṃ manmathayugāvatāreṇe'ti / | | kad pb1.1646 | athāhaṃ prakāśam vihasyābravam ?? 'devi! yadyevam, utsṛja kopam, prasīda, nārhasi kāmāparādhena devaṃ dūṣayitum / |
|
